ایس ایم ایس شیڈولنگ اور پاس ورڈ چیک اپ ٹول کے ساتھ ، گوگل پرانے اسمارٹ فونز پرگوگل میپ کو بھی ڈارک موڈ پرچلائے گا۔
اینڈرائیڈ 12 ابھی کافی دور ہے لیکن اس کا مطلب یہ نہیں ہے کہ آپ اپنےاینڈرائیڈ فون پر کچھ نئے فیچر دیکھنے کے لیے زیادہ انتظار کریں گے۔ گوگل نے پرانے اینڈرائیڈ فونز پر آنے والی متعدد اپ ڈیٹس کا اعلان کیا ہے۔
اینڈرائیڈ میسجزاسٹاک اینڈرائیڈ پرڈیفالٹ میسجنگ ایپ- استعمال کرنے والے افراد اب مخصوص اوقات میں بھیجے جانے والے پیغامات کو شیڈول کرسکتے ہیں۔
جیسا کہ کمپنی نے اپنے بلاگ میں نشاندہی کی ہے ، یہ ان صورتوں کے لئے کارآمد ثابت ہوسکتا ہے جہاں لوگ مختلف ٹائم زون میں رہتے ہیں یا سالگرہ کی مبارکباد کے طور پر استعمال کرسکتے ہیں۔ یہ خصوصیت اینڈرائیڈ 7 اور اس سے اوپر والے فون پر آئے گی۔
کروم کا پاس ورڈ چیک اپ ٹول اینڈرائیڈ میں بھی دستیاب ہو گا۔ نفٹی ٹول آپ کو متنبہ کرتا ہے کہ اگر آپ کا پاس ورڈ کمپرومائز ہوا ہے یا کسی بھی ‘لیک’ میں آن لائن موجود ہے۔
یہ اینڈرائڈ کے آٹوفل فیچر سے منسلک ہے ، جو آپ کے پاس ورڈ کی معلومات کو محفوظ کرتا ہے۔ یہ فیچر اینڈرائیڈ 9 اور اس سے اوپر کے فونوں پر چل سکے گا۔
گوگل میپ اب ڈارک موڈ ہو رہا ہے۔ نئی خصوصیت کو ترتیبات میں نیویگیشن کرکے ، تھیم پر ٹیپ کرکے اور پھر “ہمیشہ ڈارک موڈ میں” منتخب کرکے فعال کیا جاسکتا ہے۔
کمپنی نے کسٹم وال پیپرز سے شروع ہونے والے اینڈرائیڈ آٹو میں بھی بہتری کی ہے۔ گوگل نے بھی ٹریویا جیسی آواز سے چلنے والی گیمز کو شامل کیا ہے۔
نئی گیمز کے علاوہ ، گوگل نے شارٹ کٹ کے ساتھ لانچ اسکرین کو بھی اپ ڈیٹ کیا ہے۔ وسیع پینل کے لیے ایک نیا اسپلٹ اسکرین ویو بھی موجود ہوگا جس میں میڈیا کنٹرول اور گوگل میپ ایک ہی وقت میں کھل سکتے ہیں۔ یہ نئی اپ ڈیٹس اینڈرائیڈ 6.0 اور اس سے اوپر کےموبائل فونز پردستیاب ہوں گی۔