سی ای ایس میں بلیوٹوتھ ہیڈ سیٹ سے لیس فیس ماسک متعارف

امریکی شہر لاس ویگاس میں سجے دنیا کے سب سے بڑے ٹیکنالوجی میلے سی ای ایس میں معروف گیمنگ کمپنی ریزر کی جانب سے بلیوٹوتھ ہیڈ سیٹ سے لیس فیس ماسک متعارف کرا یا گیا۔ کمپنی کا دعوی ہے کہ یہ دنیا کا سب سے سمارٹ فیس ماسک ہے۔

اس ماسک میں ایک مائیک اور 2 ایئربڈز لگے ہوئے ہیں جو ایئرلوپس کے ساتھ منسلک ہیں جب کہ ماسک میں والیوم کنٹرول، پلے اورپاز کے بٹنز بھی موجود ہوں گے۔

کمپنی کا کہنا ہے کہ ماسک کی این95 سرجیکل ماسک کے طور پر درجہ بندی کی گئی ہے ، تاہم ابھی اس پراڈکٹ کا جائزہ لینا باقی ہے۔

ماسک خود شفاف پلاسٹک کا بنا ہوا ہے ، جس سے لوگوں کو چہرے کے اشاروں پر ہونٹ پڑھنے اور ماسک کو اوپر اٹھانے میں آسانی ہوجاتی ہے۔

ریزر کے مطابق ماسک میں نصب بلیوٹوتھ ہیڈ سیٹ بارہ گھنٹے کے لیے کام کر سکتا ہے، جس کے بعد ماسک کو چارج کرنا پڑے گا۔

بلیوٹوتھ ہیڈ سیٹ سے لیس ریزر کے اس ماسک کی قیمت آٹھ ہزار پاکستانی روپے سے زائد ہو گئی۔