بل گیٹس آئی فون استعمال کرتے ہیں یا اینڈرائیڈ فون؟

مائیکرو سافٹ کے شریک بانی بل گیٹس نے کلب ہاؤس چیٹ میں حصہ لیا جہاں انہوں نے وضاحت کی کہ وہ کیوں سمجھتے ہیں کہ اینڈرائیڈ آئی او ایس سے بہتر ہے ، لیکن یہ بھی کہا کہ وہ دونوں پلیٹ فارم استعمال کرتے ہیں۔

ایک غیر ملکی خبر رساں ایجنسی کی رپورٹ کے مطابق بل گیٹس کا کہنا ہےکہ اینڈرائیڈ پر پہلے سے ہی مائیکروسافٹ کے کچھ سافٹ ویئر انسٹال ہوتے ہیں جو ان کے لیے آسانی کا سبب بنتے ہیں۔

مائیکرو سافٹ کے شریک بانی بل گیٹس نے مزید کہا کہ اینڈرائیڈ پلیٹ فارم مختلف سافٹ وئیرز کو انسٹال کرنے میں بھی سہولت فراہم کرتا ہے۔

ان کا کہنا تھا کہ انکے بہت سے دوستوں کے پاس آئی فون ہی ہے اور وہ بھی کبھی کبھار آئی او ایس پلیٹ فارم استعمال کرتے ہیں مگر ایسا روزانہ کی بنیاد پر نہیں ہوتا۔

ان کا کہنا تھا کہ دلچسپ بات یہ ہے کہ ، آئی او ایس 14 کے ساتھ ، ایپل نے آئی فونز کو پہلے سے کہیں زیادہ حسب ضرورت یا لچکدار بنا دیا ہے۔

مائیکروسافٹ کی ایپس ایپ اسٹور پر آزادانہ طور پر دستیاب ہیں اور اور یہ ایک ڈیفالٹ براؤزر اور ای میل کلائنٹ کو بھی تبدیل کرسکتا ہے۔

گیٹس نے یہ انٹرویو کلب ہاؤس ، نئی سوشل میڈیا ایپ پر دیا ، جو اتفاقی طور پر صرف آئی فون پر دستیاب ہے۔