اوکھن جزیرہ – روس

اوکھن جزیرہ دنیا کا چوتھا سب سے بڑا جھیل سے جڑا جزیرہ ہے۔ یہ مشرقی سائبیریا میں جھیل بیکل کا اب تک کا سب سے بڑا جزیرہ ہے ، جس کا رقبہ 730 مربع کلومیٹر (280 مربع میل) ہے۔ اوکھن اس خطےکا ڈرامائی امتزاج رکھتا ہے اور آثار قدیمہ کی نشانیوں سے مالا مال ہے۔

اوکھن جزیرہ پر جانے کے لیے آپ کو ٹرانس سائبیرین ریلوے پر سفر کرنا پڑے گا جو بیکل جھیل کے ساتھ ساتھ چلتی ہے۔ بیکل جھیل دنیا کی سب سے گہری تازہ پانی کی جھیل ہے۔ یہاں کی خوبصورتی آپ کو اپنے سحر میں ضرور مبتلا کر لے گی اور آپ اس جگہ کی تعریف کیے بغیر نہیں رہ سکیں گے۔

روس کے دارالحکومت ماسکو سے ساڑھے تین دن ٹرین کے سفر کے بعد آپ یہاں پہنچ سکتے ہیں۔ جبکہ بیجنگ سے یہ جھیل تین دن کےفاصلے پر واقع ہے۔

جھیل دنیا کے 20 فیصد تک تازہ پانی پر مشتمل ہے۔ اسی جھیل کے قریب اوکھن جزیرہ نامی خوبصورت مناظر پرمشتمل جزیرہ موجود ہے جس کی لمبائی 72 کلو میٹر ہے۔ یہ بیکل جھیل کا سب سے بڑا جزیرہ ہے۔

اس کے ماحول کی خاص بات یہ ہے کہ یہاں بحیرہ اسود کے ساحل کے مقابلے زیادہ دھوپ پڑتی ہے۔ تاہم جھیل کا اکثر حصہ اور یہ جزیرہ عمو ماً بادلوں سے ڈھکے رہتے ہیں۔