قوت اور صحت بخش چنوں اور چاولوں کا حسین اور مصالحے دار امتزاج جسے سوچ کر ہی منہ میں پانی آ جائے۔ یہ مزے دار اور لاجواب پکوان بنا کر آپ اپنے اہل خانہ کی طرف سے خوب تعریفیں بٹور سکتی ہیں۔ لذت اور ذائقے سے بھرے چنا پلاؤ کو زیرے والے رائتے کے ساتھ لنچ میں پیش کریں اور اپنے پیاروں کا دل جیت لیں۔
اجزاء
چاول، بھگوئے ہوئے 1 کلو
چنے، بھگوئے ہوئے 1 کلو
چکن کی یخنی آدھا لیٹر
پیاز، کٹی ہوئی 2 عدد
ثابت زیرہ1 چائے کا چمچ
الائچی 4 سے 5 عدد
گرم مصالحہ1 کھانے کا چمچ
ثابت لال مرچ1 کھانے کا چمچ
دھنیا پاؤڈر1 چائے کا چمچ
زیرہ پسا ہوا 1 کھانے کا چمچ
ثابت گرم مصالحہ 1 چائے کا چمچ
ہری مرچ 4 سے 5 عدد
دار چینی 1 عدد
لال مرچ پسی ہوئی1 چائے کا چمچ
کوکنگ آئل6 سے 7 کھانے کے چمچ
پانی حسبِ ضرورت
بنانے کا طریقہ
ایک بڑے برتن میں آئل گرم کریں اس میں کٹی ہوئی پیا زڈال کر بھونیں اور براؤن کرلیں۔
اب اس میں زیرہ، الائچی، گرم مصالحہ اور سرخ گول مرچ ڈال کر مکس کریں اور 5 منٹ تک چمچ چلائیں۔
پھراس میں پانی ڈالیں اورڈھک کر 8 سے 10 منٹ تک دم دے دیں۔
اب ڈھکنا ہٹا کر اس میں دھنیا پاؤڈر، پسا ہوا زیرہ، گرم مصالحہ، یخنی اور ہری مرچیں ڈال کر اچھی طرح پکائیں۔ اس کے بعد دوبارہ ڈھکنا دے کر 5 سے 8 منٹ تک دم دے دیں۔
پھراس میں بھگوئے ہوئے چنے ڈالیں اور اچھی طرح پکائیں۔
اب اس میں دارچینی اور پسی ہوئی لال مرچ ڈال کر اچھی طرح مکس کریں۔
پھر اس میں بھگوئے ہوئے چاول ڈالیں اور دو منٹ تک اچھی طرح مکس کریں۔ ا سکے بعد اب ڈھک کر 8 سے 10 منٹ تک دم دے دیں۔
گرماگرم مزے دار چنا پلاؤ تیار ہے۔
زیرے کے رائتے کے ساتھ پیش کریں۔
