ہریسہ چکن روسٹ ایک آسان اورمزیدار روسٹ ڈش ہے جو ویک اینڈ کی راتوں پر بالخصوص اور بالعموم رات کے کھانے کے لیے بہترین انتخاب ہے۔ پسے ہوئے مصالحوں کا بہترین ذائقہ اس ڈش کو اور بھی لذیز بنادیتا ہے۔ ہریسہ چکن روسٹ کو املی کی چٹنی یا رائتہ اور سلاد کے ساتھ پیش کیا جاتا ہے۔
اجزاء
میرینیٹ کرنے کے لیے اجزاء
مرغی کا گوشت½ کلو
ہریسہ مصالحہ 2 سے 3 کھانےکے چمّچ
ہریسہ چکن روسٹ کے اجزاء
زیرا پسا ہوا آدھا چائے کا چمچ
ثابت دھنیا آدھا کھانے کا چمّچ
سونف آدھا چائے کا چمچ
لال مرچ پاؤڈر1 کھانے کا چمّچ
لہسن کے جوے 4 سے 5 عدد
زیتون کا تیل 2 کھانے کا چمّچ
نمک حسبِ ذائقہ
لیموں کا رس1 کھانے کا چمّچ
پسا ہوا تازہ دھنیا سجانے کے لیے
کٹا ہوا لیموں سجانے کے لیے
بنانے کا طریقہ
ایک گرائنڈر میں زیرہ، ثابت دھنیا، سونف، لال مرچ، لہسن کے جوے، زیتون کا تیل، نمک حسب ضرورت اور لیمو ں کا رس ڈال کراچھی طرح گرائینڈ کرکے پیسٹ بنالیں۔
اب اس مصالحے کو مرغی پراچھی طرح لگا کر 30 منٹ سے پوری رات کے لیے میرینیٹ کرنے کے لیے رکھ دیں۔
ایک فرائی پین میں گھی ڈال کر گرم کریں اور میری نیٹ کی ہوئی مرغی کو فرائی کرلیں۔
5 سے 8 منٹ کے لیے اسکو ہلکی آنچ پرڈھانک کر پکائیں۔
مزے دار ہریسہ چکن روسٹ تیار ہے۔
ہری چٹنی کے ساتھ پیش کریں۔
