خستہ اور مزے دار چیز پراٹھا روز مرہ پراٹھوں کی ایک ترقی یافتہ شکل ہے اس میں شامل گرم اور کریمی چیز اس کے ذائقے کو بے مثال بناتی ہے۔ یہ خوشبودار مہکتے ہوئے چیز پراٹھے آپ کےبہترین اور توانا ناشتے کے لئے لاجواب انتخاب ہے۔ اگر آپ ناشتے میں شاندار اور قوت بخش غذا کھانا چاہتے ہیں تو چیز پراٹھا کا لطف اٹھائیں۔
اجزاء
میدہ دو کپ
نمک حسبِ ذائقہ
گھی آدھا کپ
موزریلا چیزدو کپ
ہرا دھنیا کٹا ہواایک کپ
کالی مرچ ایک چائے کا چمچ
مکس ہربزایک چائے کا چمچ
بنانے کا طریقہ
ایک بڑے پیالے میں موزریلا چیز، کٹا ہوا ہرا دھنیا، نمک، کالی مرچ اور مکس ہربز ڈالیں اور اچھی طرح مکس کرلیں۔
دوسرے پیالے میں میدہ اور نمک ڈال کر اسے اچھی طرح ملا لیں۔
اب اس گندھے ہوئے میدے کا پیڑا لیں اسے روٹی کی طرح پھیلا لیں اور ایک چمچ سے اس پر تیل لگائیں پھر اس پر خشک میدہ چھڑکیں اور رول کرکے دوبارہ پیڑے جیسی شکل بنالیں۔
اب اس پیڑے کو دوبارہ روٹی کی طرح پھیلائیں اور اس میں چیز کا آمیزہ رکھ کر دوبارہ پیڑا بنائیں اور نرم ہاتھ سے تھپک کر دوبارہ روٹی کی طرح پھیلا لیں۔
اب برش کی مدد سے توے یا فرائنگ پین پر ہلکا سا تیل لگائیں اور اس پر پراٹھا ڈال کر اچھی طرح پکائیں تاکہ دونوں طرف سے سنہری اور خستہ ہوجائے۔
خستہ اور مزیدار چیز پراٹھا تیار ہے۔
