پی ٹی آئی کے چیئرمین بیرسٹر گوہر اور سیکرٹری اطلاعات رؤف حسن کو گرفتار کر لیا گیا

اسلام آباد پولیس نے پاکستان تحریک انصاف (پی ٹی آئی) کے چیئرمین بیرسٹر گوہر اور سیکرٹری اطلاعات رؤف حسن کو گرفتار کر لیا ہے۔

پی ٹی آئی رہنما شبلی فراز نے دعویٰ کیا کہ بیرسٹر گوہر اور رؤف حسن کو حراست میں لے لیا گیا ہے، تاہم اسلام آباد پولیس نے اس گرفتاری کی تصدیق یا تردید نہیں کی۔

قبل ازیں پولیس کی بھاری نفری پی ٹی آئی سیکرٹریٹ پہنچی جہاں چیئرمین بیرسٹر گوہر اور سیکرٹری اطلاعات رؤف حسن موجود تھے۔ پولیس نے مکمل تلاشی لی، احاطے سے ریکارڈ اور کمپیوٹر قبضے میں لے لیے۔ عینی شاہدین نے بتایا کہ آپریشن کے دوران سیکورٹی کے سخت اقدامات اور علاقے تک رسائی کو محدود کر دیا گیا۔