پاکستان تحریک انصاف نے چیف الیکشن کمشنر اور ارکان کے خلاف ریفرنس دائر کر دیا

پاکستان تحریک انصاف نے چیف الیکشن کمشنر اور دیگر ارکان کے خلاف ریفرنس دائر کر دیا۔

بیرسٹر علی ظفر نے بتایا کہ ریفرنس کی درخواست پاکستان تحریک انصاف کے بانی عمران خان کی ہدایت پر دائر کی گئی۔ انہوں نے کہا کہ ہمارا مطالبہ ہے کہ چیف الیکشن کمشنر اور دیگر ارکان کو آئین اور سپریم کورٹ کے احکامات کی خلاف ورزی پر عہدے سے ہٹایا جائے۔

انہوں نے مزید دعویٰ کیا کہ الیکشن کمیشن پاکستان تحریک انصاف اور اس کے بانی کے خلاف متعصب ہو چکا ہے۔ بیرسٹر علی ظفر نے کہا کہ ہم نے بہت کچھ برداشت کیا ہے۔

ذرائع کے مطابق ریفرنس میں انتخابی نشان ہٹانے، لیول پلیئنگ فیلڈ فراہم کرنے میں ناکامی، بروقت انتخابات نہ کرانے، اسلام آباد کے الیکشن ٹریبونل میں تبدیلی اور سپریم کورٹ کے فیصلے کی غلط تشریح جیسے الزامات شامل ہیں۔ بعض نشستوں پر فیصلوں کے حوالے سے مخصوص نکات بھی شامل ہیں۔