آئی سی سی ون ڈے ورلڈ کپ 2023 کے شیڈول کا اعلان کر دیا گیا ہے جس کے مطابق پاکستان اور بھارت کا میچ 15 اکتوبر کو ہوگا۔
بھارتی میڈیا رپورٹس کے مطابق ون ڈے ورلڈ کپ2023 میں پاکستان اور بھارت کا میچ 15 اکتوبر کو شیڈول ہے تاہم میچ کے مقام کا اعلان نہیں کیا گیا ہے۔
میگا ایونٹ کا پہلا میچ دفاعی چیمپئن انگلینڈ اور نیوزی لینڈ کے درمیان کھیلا جائے گا جبکہ میزبان ٹیم بھارت اپنا پہلا میچ 8 اکتوبر کو آسٹریلیا کے خلاف کھیلے گی۔
آئی سی سی ون ڈے ورلڈ کپ 2023 میں 10 ٹیمیں حصہ لیں گی جن میں سے میزبان بھارت، پاکستان، انگلینڈ، آسٹریلیا، جنوبی افریقا، بنگلا دیش، افغانستان اور نیوزی لینڈ یعنی ان 8 ٹیموں نے براہ راست ٹورنامنٹ کے لیے کوالیفائی کیا۔
شیڈول کے مطابق پاکستان اپنا پہلا میچ 12 اکتوبر کو کوالیفائنگ راؤنڈ میں جیتنے والی ٹیم کے خلاف کھیلے گا۔
پاکستان 13 اکتوبر کو کوالیفائنگ ٹیم، 15 اکتوبر کو بھارت، 17 اکتوبر کو نیوزی لینڈ، 21 اکتوبر کو افغانستان، 29 اکتوبر کو انگلینڈ، 2 نومبر کو بنگلہ دیش، 5 نومبر کو آسٹریلیا، 11 نومبر کو روایتی حریف بھارت سے کھیلے گی۔
واضح رہے کہ میگا ایونٹ کا پہلا سیمی فائنل 15 نومبر کو شیڈول ہے جبکہ دوسرا سیمی فائنل 16 نومبر کو شیڈول ہے جب کہ فائنل 19 نومبر کو کھیلا جائے گا۔
