موڈرینا کو توقع ہے کہ اس کی کوویڈ 19 ویکسین برطانیہ کے نئے کورونا وائرس سے بچاو کے لیے بھی موثر ہو گی

موڈرینا کمپنی نے کہا کہ اسے توقع ہے کہ اس کی کوویڈ 19 ویکسین برطانیہ میں رپورٹ ہونے والی کورونا وائرس کی نئی اقسام کے خلاف حفاظت فراہم کرنے میں بھی موثر ثابت ہوگی۔

انہوں نے کہا کہ کمپنی وائرس کی نئی اقسام کے خلاف ویکسین کی سرگرمی کی تصدیق کے لیے ٹیسٹ کرنے کا ارادہ رکھتی ہے۔

موڈرینا کا یہ بیان اس وقت سامنے آیا ہے جب برطانوی حکومت کوویڈ 19 کی وجہ سے انگلینڈکے ایک بڑے حصے میں سخت پابندیاں عائد کرنے کا فیصلہ کر رہی ہے کیونکہ ملک انتہائی متعدی وائرس کی لپیٹ میں ہے۔

کمپنی کا کہنا ہے کہ اسے توقع ہے کہ اس کی ویکسین ، جسے حال ہی میں امریکی ہنگامی استعمال کی اجازت دی گئی تھی ،اب تک کے ڈیٹا کی بنیاد پر برطانیہ میں وائرس کی نئی قسم سے حفاظت فراہم کرے گی۔