لوکی کا حلوہ پاکستان اور بھارت کا ایک مشہور اور پسندیدہ میٹھا ہے جو لوکی ، میوہ جات اور چینی کے آمیزے سے بنایا جاتا ہے۔ یہ ایک سدا بہار میٹھا ہے جو لوگوں کا من پسند بھی ہے۔ زیادہ تریہ ڈش دعوتوں اور گھریلو تقریبات میں پیش کی جاتی ہے۔
اجزاء
لوکی، چوکور کٹی ہوئی 2 عدد
کوکنگ آئل 1 کپ
کاجو ½ کپ
کشمش ½ کپ
دودھ 1 کپ
کومیل 1 کپ
سبز رنگ ½ چائے کا چمچ
الائچی پاؤڈر½ چائے کا چمچ
چینی ½ کپ
بادام سجانے کے لیے
پستے سجانے کے لیے
چاندی کا ورق سجانے کے لیے
بنانے کا طریقہ
لوکی کو چھیل کر اس کے بیج نکال لیں۔
اس کے بعد چوکور شکل میں کاٹ لیں۔
اب کٹی ہوئی لوکی کو گرائنڈرمیں ڈال کر گرائنڈ کر لیں۔
اب ایک چھوٹی پتیلی میں کوکنگ آئل ڈال کر درمیانی آنچ پر گرم کریں۔
اس کے بعد اس میں کاجو اور کشمش ڈال کر گولڈن براؤن ہونے تک بھونیں۔
پھر اسے گرائینڈ ہوئی لوکی میں ڈال کر مکس کرلیں۔
اس کے بعد دودھ، کومیل اور کھانے کا سبزرنگ ڈال کر اچھی طرح مکس کرلیں۔
اس کے بعد الائچی پاؤڈرڈال کر مکس کرلیں۔
پھرچینی ڈال کر مزید مکس کریں۔
پھر10 منٹ کے لیےاسے دم پر رکھ دیں۔
گھی اوپر آجائے تو چولہے سے اتار کر سرونگ دش میں نکال لیں۔
اب پستے ، بادام اور چاندی کے ورق سے سجا لیں
مزے دار لوکی کا حلوہ تیار ہے!
