بھارت نے ٹک ٹاک ، وی چیٹ ، بیدو اور یوسی براؤزرسمیت چین کی 59 ایپلی کیشنز پر مستقل طور پر پابندی عائد کر دی ہے۔
بھارتی میڈیا رپورٹس کے مطابق ، ہندوستان کی وزارت الیکٹرانکس اور انفارمیشن ٹیکنالوجی نے ویڈیو ایپ ٹِک ٹِک اور 58 دیگر چینی ایپس پر مستقل طور پر پابندی عائد کرنے کے لئے تازہ نوٹس جاری کیے ہیں۔
ٹائمز آف انڈیا اخبار نے پیر کے روز خبر دی ہے کہ جب ان ایپس پر پہلی بار پابندی عائد کی گئی تھی ، ہندوستانی حکومت نے 59 ایپس کو رازداری اور سیکیورٹی کی ضروریات کی تعمیل سے متعلق اپنے موقف کی وضاحت کرنے کا موقع فراہم کیاتھا۔
روزنامہ نے کہا ، ان کمپنیوں کو ، جن میں بائٹ ڈانس کی مقبول ویڈیو شیئرنگ ایپ ٹک ٹاک ، ٹینسنٹ ہولڈنگزکی وی چیٹ اور علی بابا کے یو سی براؤزر شامل ہیں ، کو بھی سوالات کی فہرست کا جواب دینے کے لئے کہا گیاتھا۔
“حکومت ان کمپنیوں کے جوابات / وضاحت سے مطمئن نہیں ہے۔ لہذا ، اب ان 59 ایپس کیلئے پابندی مستقل ہے ، ” بزنس اخبار لائیو مینٹ نے نوٹس کے حوالے سے کہا ہےکہ یہ نوٹس پچھلے ہفتے جاری کیا گیا تھا۔
وزارت کے جون کے آرڈر میں کہا گیا تھا کہ یہ ایپلی کیشنز “بھارت کی خودمختاری اور سالمیت ، دفاع ، ریاستی سلامتی اور عوامی نظم و ضبط کے حوالے سے متعصبانہ ہیں”۔
بھارت کے وزیر اطلاعات و نشریات روی شنکر پرساد نے اپنے ایک ٹویٹر بیان میں کہا تھا کہ ٹک ٹاک اور دیگر ایپس پر‘یہ پابندی سکیورٹی، خود مختاری اور سالمیت کے لیے بہت ضروری ہے۔ ہم بھارتی شہریوں کے ڈیٹا اور پرائیویسی میں کسی طرح کی جاسوسی نہیں چاہتے ہیں۔’
