–

روم: شدید کھانسی کے باعث پسلی ٹوٹنے والے شخص کا ڈاکٹروں نے علاج کیا ہے۔

میڈیا رپورٹس کے مطابق طبی ماہرین نے مریض کا علاج کرنے کے بعد دائمی کھانسی کے خطرات کے بارے میں عوامی انتباہ جاری کیا ہے۔

اٹلی سے تعلق رکھنے والے 54 سالہ شخص کو اپنی پسلی کا کچھ حصہ ہٹا کر اس کی جگہ دھات کا ٹکڑا لگانا پڑا۔

ٹوٹی ہوئی ہڈی کی وجہ سے سینے پر کافی دباؤ پڑا۔

یہ نامعلوم مریض بہت زیادہ سگریٹ نوشی کرتا تھا اور اسے برسوں پہلے ایک چوٹ آئی تھی جس سے اس کی پسلی کا پنجرا کمزور ہو گیا تھا۔

حال ہی میں، شدید کھانسی کی وجہ سے اس کی پسلی ٹوٹ گئی، اسکین سے پتہ چلا کہ اس کی بائیں جانب کی آٹھویں پسلی ٹوٹ گئی تھی، جس سے ہڈیوں کے درمیان ڈیڑھ انچ کا فاصلہ رہ گیا تھا۔